AGENCIES: Brazilian Charles Oliveira toh wapas ahikena American Michael Chandler ke second round te knock out kurikena UFC 262 Houston, Texas Saturday din te UFC Lightweight title jitishe.
Etu title khali thaka nimete ladai kuri thaka toh etu bi juwa October moina te Khabib Nurmagomedov toh retire kura pichede Oliveira toh ekta akhe ter guillotine choke kosish kura toh bachishe aro chandler laga pichede jaishe hoilebi etu 35 umar porana bellator champion toh olabole parishe aro punches khan marishe Oliveria ke first round te dukh dishe.
Tai wapas ahishe break toh aro kara para ahise chandler ke giraikena ekta left hook dikena aro etu pichede kara para marishe etu bi referee Dan Miragliotta ke contest toh second te 19 seconds hoikena rukhaishe.
Oliveira para octagon te tai laga nou bar wala jita pichede koikena janaishe”mui yete ahibole mun thakishe aro dikhabole mun thakishe mui sobse bhal ase koikena etu division te aro mui sob manu ke dikhaishe mui kuribole pareh koikena .”
co-main event, te Beneil dariush para former interim lightweight champ Tony Ferguson ke dominate kurishe aro tai laga naam contenders te anishe kuntu toh sabole ase chandler ke belt niemte challenge kuribole nimete.
Add Comment