Agencies, 25 May: Hungama 2 toh theatres hisab te sitha streaming platform te olabole ase kelay koile desh te besi phak states toh coronavirus pandemic nemite bondh thaka karni. Etu khobor toh Monday te film bona khan para janaideya laga ase. Film toh etu sal August 14 te olabole ase. Priyadarshan toh film te direct koribole korai ahishe aro stars Paresh Rawal, Shilpa Shetty Kundra, Meezaan, aro Pranitha Subhash toh lead te ase.
Producer Ratan Jain para “Hungama 2” toh etu sal OTT release nemite agae te ase koise. Etu film toh aji kali kosish samai te audiences te entertain koribole laga maaksaat te ase koise. Aro etu film te sob age groups kushi bonabole nemite ase koise. Tai khan be etu film para audiences ke entertain koribole aro etu kosish samai olob kushi anibole bhabona ase koise. Tai khan film toh etu sal digital platform te olabole ase aro movie te kushi howa khan khor te aram para thaki kena hashibo paribo koise.
Tai para be tai khan laga ‘Hungama 2’ toh ektum morom para bona ase aro tai khan be monn dangor ase tai khan laga film para apuni laga jehara te kushi anibole koise. Film bona khan para press release janaideya hisab te, team toh desh laga ekta top streaming platforms logote kotha kori ase. Hungama 2 te Ashutosh Rana, Manoj Joshi, Rajpal Yadav, Johnny Lever aro Tiku Talsania toh pivotal roles te ase. Ekta Venus Records aro Tapes LLP project, film be Ganesh Jain, Chetan Jain, aro Armaan Ventures para bonaishe. Original film te Rawal logote Shoma Anand, Akshaye Khanna, Aftab Shivdasani, aro Rimi Sen ase.
Add Comment