Agencies, 26 May: Bollywood actor Varun para Instagram te YouTuber naam Paras Singh ke condemn korise kelay koile tai para Arunachal Pradesh MLA Ninong Ering kelaaf racial insult jola nemite. Tai laga ekta videos te, YouTuber para tai ke “non-Indian” koise. Varun toh Arunachal Pradesh te Amar Kaushik’s Bhediya nemite shot koribole thakise. Tai para film laga director laga note te repost korikena, lekha, te tai khan Arunachal Pradesh te ektum lamba samai thakise koise. Ami khan nejor ke aro tusara ke etu toh kenaka galdi ase janaidebole samai ase koise.
Amar laga original post te koise, “Apuni nejor deshe aro etu laga region te ignore kora toh nejor pagala ase hoilebe etu etu ignore kora toh ketiya pahar olai/janaidae, etu toh poison hoise jai. Ami khan sob matibo laki aro enaka ignore kora te ekta awas hoikena condemn koribo laki aro sob idiots te janaidebo etu toh aro namana”.
Actor Rajkummar para be Paras ke condemn korise aro tai laga Instagram Stories te note share korise.
Paras Singh ke toh tai laga YouTube channel te Paras Official laga naam para jani aro Sunday te tai Congress MLA Ninong Ering ke ‘non-Indian’ koise aro State be China laga part thakise koise. Etu para State aro desh laga tusara parts para manu khan majote gusha bonaideya thakise.
Etu bechite Monday te Paras para tusara video toh tai laga YouTube channel te post kora thakise aro etu video te tai laga remarks nemite maaf (apology) mangka thakise. Singh para tai ke social media platforms te gusha howa comments toh tai laga agae video nemite pai thakise koise. Tai para be tai laga galdi nemite tai laga family ke target nakoribole request korise.
Add Comment