May 27, 2021. Assam te jail te thaka manuh khan pithor te bemari cases besi othishe. Assam, Udalguri district jail te 43 jail te boha manuh logot COVID-19 positive tested paishe koishe. Udalguri district jail te 43 COVID-19 positive cases thura toh 176 Rapid Antigen Test kora beche thakishe. Udalguri district administration para koishe ke, jail te boha manuh COVID-19 positive thura khan ke COVID Care Centre te loikena jaishe. Etu 43 COVID-19 positive manuh pithor te 35 jun toh under trial prisoners ase aro dosura 8 jun toh convict ase. President of Tangla Human Rights Forum, Sailen Kumar Sarmah para janaishe ke, “Right to Health toh jail te boha manuh nemite fundamental right ase aro etu Constitution of India pithor Article 21 te guaranteed koikena ase”. “etu oper te Supreme Court guidelines passed kora hesab te, states para jail manuh khan nemite high power screening committees thakiboli laki,” tai aro koishe. Sarmah para aro kowa toh, under trial prisoners kuan khan para besi tangor kalti kam kora nai, tai kahn ke bail aro parole para COVID-19 halat bhal nahowa dak jariboli koishe. Olop din akhe te Assam laga 16 jails te 233 manuh logot second wave samai COVID-19 positive tested paishe. Etu 233 cases pithor te Sivasagar aro Dibrugarh jail para 105 cases thurishe. Hoilebi, jowa saal bemari samai logot toh etu saal Assam jails te bemar laga rate toh besi wala ase koishe. Gauhati High Court para alag-alag jaga Assam jails te bohi thaka manuh khan ke vaccination nemite suo moto PIL registered korikena ase.
Udalguri district jail te 43 manuh ke positive thurishe
