AGENCIES: Afghanistan Cricket Board para Asghar Afghan ke national team captaincy para hataidise etu para tai ke bodnam kurishe etu bi Zimbabwe laga khilaaf march moina abu dhabi te haraa pichede.
Etu ACB para statement te Monday din te koikena janaishe kunba afghan decision laga captain toh team nimete Afghanistan khan Zimbabwe logote hara pichede series laga first test te.
ACB para okobi decision khan dianai afghan para diya te etu match samay te hoilebi koikena janaishe etu decision toh tai ke captaincy para hatabole niemte investigation luwa hisaab te thakishe etu toh ACB’s investigative committee para loishe.
Zimbabwe para Afghanistan ke 10 wickets para haraa thakishe dui din bithor te first test te etu Afghanistan para series level kura pichede second test toh six wickets para jita pichede.
Left-handed batsman Hashmatullah Shahidi ke nutun test aro ODI captain nimete chunishe aro rahmat shah toh shahid deputy duita formats te thakibo.
Top-ranked Twenty20 leg-spinner Rashid Khan ke t20s nimete vice captain thakishe aro ACB para joldi hi etu format nimete captain laga naam dibo.
