AGENCIES:spain laga nutun khelari khan para Lithuania ke European championships laga warmup Tuesday din te khela toh 4-0 para haraidishe.
Etu spain laga team khan toh under 21 laga khelari khan anishe etu logote coach bi thakishe etu bi captain Sergio Busquetes toh covid 19 positive paa pichede.
Etu 20 khelari khan mata te match nimete 19 toh senior national team nimete ekbar bi khelanai.etu friendly toh ekta first team match thakishe etu te khelari khan caps khan paishe aro coach Luis de La fuente nimete official debut thakishe main squad logote.
De la Fuente para 10 debutant s khan etu te Bryan Gil laga naam anishe starting line.last bar spain para 10 debutants ana toh senior international nimete 1941 te thakishe Portugal laga khilaaf etu pichede team khan para khelanai spain laga civil war 1936 te huwa pichede.
Valencia defender Hugo Guillamón para spain ke bhal shuruwat dishe third minute te aro Brahim diaz para lead toh double kurishe 24th minut te etu pichede abel ruiz laga penalty toh bachaishe Lithuania goalkeeper Tomas Švedkauskas para.
Juan Miranda para free kick para goal kurishe second half te nine minutes pichede aro fellow Javi Puado para 73rd minute te goal dishe.
Euro 2020 toh Friday din para shuru ase aro spain toh first game Monday te khelibo Sweden laga khilaaf Seville te. Luis Enrique toh Sunday tak samay ase tai laga team te bodli kuribole nimete jhokom nohoile covid19 nimete.
Karim Benzema’s wapa s aha toh international soccer te dikdaar dishe etu te France forward toh jhokom paikena olaishe tia laga team khan Bulgaria ke 3-0 para haraidiya pichede.
Czech Republic para Albania ke 3-1 para haraidishe aro Iceland toh Poland logote 2-2 para draw hoishe aro Hungary ke 0-0 para Ireland logote draw kurishe Budapest te.
