Agencies, 13 June: Bollywood actor Sonu Sood toh Covid dekthari te thaka manu khan ke motob kori thaki. Actor toh enaka phal kaam kori thaka logote tai be notun Delhi-based youth organization DIYA Delhi logote melishe aro IAS aspirants nemite coaching sholarships debole.
Initiative laga part hisab te, actor toh alak alak alak hospitals aro organisations te oxygen cylinders aro oxygen concentrators de thakise. kelay koile thaki thaka pandemic samai te manu khan ke bachabole motob koribole nemite.
Etu 47 omar actor para enaka phal kaam toh Kurool aro Nellore, Andhra Pradesh aro Mangalore, Karnataka para suru korise. Tai para tusara oxygen plants toh Tamil Nadu, Karnataka, Punjab, Uttarakhand, Telangana, Maharashtra, Rajasthan, Uttar Pradesh, Bihar, Madhya Pradesh aro tusara besi states te joldi bonabole ase.
Etu 18 oxygen plants toh 5,500 nesana beds te lok koribole ase. Initiative opor te Sonu para last olop moina te tai khan ektum dangor dekthari toh oxygen te dekhise koise. Tai laga team aro tai toh etu dekthari te kenaka hatabo etu opor te bhabona kora thakise koise. Etu para tai khan pariya tak sob jaga te oxygen plants bonabole nemite fesla kora thakise koise.
Etu oxygen plants toh besi phak dukhiya manu khan ke free treatment deya hospitals te bonabo koise. Etu oxygen plants install kora logote tai khan laga aim toh desh te ekta manu be oxygen nesana te napai kena namoribole nemite ase koise. Etu dekthari samai te sob manu khan eki logote jama hobole aro motob lakiya khan ke motob debole koise.
COVID-19 laga third wave rokhi thaka opor te kotha korikena Sonu para oxygen laga dekthari te hotai nemite thek hobo koise.
Actor para be tai khan ke 750 odd oxygen concentrators ase aro etu toh de ase aro etu toh domestic usage nemite he ase koise. Hoilebe oxygen plants para ahibole sal nemite oxygen de thakibo koise. Etu jaga khan te oxygen komti howa toh aro nathaka hobo koise.
Add Comment