Agencies, 17 June: Kapil Sharma Show toh ekta ektum popular comedy shows ase. Ace comedian Kapil Sharma para host kora toh olop lamba samai para dhanda hoise hoilebe tai etu sal agae phali olob break lobole fesla kora thakise. Etu toh tai laga maike Ginni Chatrath, tai khan laga chokari Anayra aro tai khan notun jonom chokara Trishaan nemite thakise. Fans khan toh ektum excite hoise kelay koile internet te Kapil aro tai laga teammates laga noksha viral howa nemite. Ekta video be Bharti para tai laga social media te share kora thakise aro etu te tai show te korai ahibole confirm kora thakise.
Bharti para video share te camera toh Krushna ke turn kora thakise aro tai para tai khan back hoise koise. Aro Kiku para be tai khan back hoise koise. Pinkvilla ke meeting opor te kotha kora te, Bharti para jowa kali get-together meeting toh office te thakise aro meeting te Krushna, Kiku, Kapil (Sharma) Bhai aro tai thakise koise. Tai khan besi lamba din para jama hoise, etu nemite Instagram te post korise koise.
Aro show korai ahibole opor te be tai khan meeting te hota thakise koise. Tai khan ke show toh July nahoile August para hobo laki koise. Tai khan toh tai khan majote kotha kori ase aro Kapil Bhai be July te suru koribole monn ase koise. Show toh January para bondh thakise aro tai khan thek break toh loise.
Etu sal March te, Kapil aro tusara cast members para noton members nemite auditions lowa thakise. Statement te tai para The Kapil Sharma Show te notun talent- actors aro writers ke welcome koribole excite aro kushi ase koise.
Show te tai khan jar jun opor te Sumona Chakravarti, Chandan Prabhakar aro Archana Puran Singh be ase. Show toh Salman Khan Television (SKTV) aro Banijay Asia para co-produced koribo.
Add Comment