Agencies, 25 June: Patiala Babes actor Aniruddh Dave toh COVID-19 fight para kamiyab hoise. Actor toh ektum beya halat te thaka hospital para discharge hoise. Social media te tai para kushi noksha toh Friday te share korise aro etu noksha toh hospital staff logote kecha thakise. Aniruddh ke jowa moina April te virus nemite positive test powa thakise. Suru te tai toh home quarantine te thakise aro etu bechite tai laga halat ektum beya howa nemite ICU te rushed kora thakise. Bemari te fight kora bechite tai oxygen support te thakise aro aji discharge hoise koise.
Aniruddh ke Covid19 toh April te powa thakise aro etu samai te tai toh Bhopal te ekta web series nemite shoot kora thakise. Infection toh joldi otha thakise aro etu nemite tai ICU te admit howa thakise.
Tai laga maike aro actress Shubhi Ahuja toh tai laga moda logote hospital te thakibole nemite tui moina chokara bacha Anishq ke charikena city te rakha thakise. Instagram post te Shubhi para situation lok powa toh ektum dangor ketiya be lok napowa laga ase koise aro tai laga jevaan te ektum dan/dukh samai thakise koise.
Aniruddh Dave toh ekta popular actor ase aro tai besi TV series – Who Rehne Waali Mehlon Ki, Y.A.R.O Ka Tashan, Bandhan aro Lockdown Ki Love Story nesana te thakise.
Add Comment