LONDON: Croatian duo Nikola Mektic and Mate Pavic toh tai khan kile world top doubles team ase koikena dikhaishe etu bi wimbeldon jitikena aro etu season laga sobse dangor jitishe.
Etu top seed pair para Marcel Granollers Spain aro Horacio Zeballos Argentina 6-4, 7-6 (5), 2-6, 7-5 final10:20 p.m. (2120 GMT) tak jaa toh roof bithor te centre court te.
Mektic and Pavic nimete tai khan laga akhe sal pair thaka te aatha wala title ase.tai khan toh akhe wala Croatian duo ase wimbeldon doubles jita toh aro etu 20 sal te kurishe etu bi Goran Ivanisevic men’s singles final jita pichede.
Pavic para aro bi juwa sal te jitishe alag alag partners logote .Etu toh Mektic laga first grandslam title ase.
Tai khan Tokyo Olympics te favourite ase gold medal nimete.
Hsieh Su-wei, Elise Mertens womens doubles jitishe
Hsieh Su-wei of Taiwan and Elise Mertens para wimbeldon te womens doubles jitishe Saturday te etu bi Russian duo Veronika Kudermetova and Elena Vesnina laga khilaaf duita match points bachaikena.
Etu third-seeded Hsieh and Mertens para centre court te 3-6, 7-5, 9-7 para jitishe .tai khan para a back-and-forth third set jitishe etu bi Hsieh para backhand winner maraa pichede Vesnina serve phangabole nimete.
Ami khan bishi khushi ase etu bondh kurikena etu toh jai thaka nimete.”Mertens para koikena janaishe.
Etu toh third wimbeldon doubles title ase Hsieh nimete etu bi alag alag partners logote etu toh Mertens nimete first ase kun para arobi Australian Open and U.S. Open doubles jita thakishe.
Etu unseeded Russian duo logote duita match points 5-4 te thakishe second set te aromatch nimete serve kuri thakishe 7-6 te third te.
Mertens toh ekta chance thakishe match nimete serve kuribole nimete third set te 5-3 te.etu toh ekta kara match thakishe.etu khobor toh mertens para koikena janaishe.”ami khan toh jai thakishe aro kitiabi give up kuranai etu toh fighting spirit ase ami khan kura toh etu toh ekta difference ase.”
Vesnina toh fourth grand slam double title aro second wimbeldon nimete bisari thakishe. Kudermetova toh tai laga akhe wala grand slam final thakishe.
