Agencies, 13 July: Kangana Ranaut‘s Thalaivi toh sal laga ektum excited films khan majote ekta ase. Monday te actress para manu khan film Thalaivi te mela runours te nahonibole koise. Tai para be team para Thalaivi laga release date toh etiya tak najanai dekena ase. Thalaivi nemite finalised date toh ola nai aro rumours te nahonibole koise. Tai khan para fim toh desh te cinemas khan ketiya khuli etu samai te olabo koise.
Thalaivi toh late former Chief Minister of Tamil Nadu, J. Jayalalithaa laga ekta biopic ase. Film te be Arvind Swami, Prakash Raj, Madhoo aro Bhagyashree toh key roles te ase. Poila sets para khobor toh online leak howa thakise aro social media te viral jaa thakise. Pictures te Kangana Ranaut, Arvind Swami aro tusara casts ase.
Thalaivi te Vibri Motion pictures, Karma Media Entertainment, aro Zee Studios toh Gothic Entertainment logote melikena present korise aro Sprint films tohV ishnu Vardhan Induri aro Shailesh R Sing para produce korise aro Hitesh Thakkar aro Thirumal Reddy para co-produced ase. Tringual film toh Hindi, Tamil aro Telegu te olabole ase.
Add Comment