Agencies, 14 July: Manu khan online scams te trap hoi thaki. Etu par, Pandya Store actress Simran Budharup ke be enaka hatsa toh hoise hoilebe tai etu para bachibole parishe. Tai para tai laga Instagram account te hack hobole thaka janaishe. Actress para sob manu khan nejor laga khobor (details) share kora samai hosiyar hobole koise. Simran ke Instagram para email paise aro tai ke copyright issues nemite certain post hatabole hota thakise.
Pura hatsa opor te, actress koise, “Instagram laga copyright para ekta mail toh tai laga mailbox te aha thakise koise. Instagram thura nemite, tai toh enaka stuff account para hatabo laki bhabona howa thakise koise. Etu nemite mail te janaideya customer service number te dapa (clicked) thakise koise.
Etu number toh tai laga Whatsapp te redirect howa thakise aro tai para tai khan ke email powa messaged deshe koise. Tai khan para tai ke ekta form bhorta koribole janaishe aro tai form khula te tai laga username aro password debole ola thakise koise. Hoilebe Isor morom, tai laga password galdi thakise koise. Etu bechite tai kebah galdi bhabona howa thakise aro concerned person ke called kora thakise koise. Enaka hoikena tai para account hacked hobole thaka bachise koise.
Actress para be judi Whatsapp te enaka messages pai thakise koile Police Station te jabo koise, etu chain beya koribole aro etu trap para manu khan bachibole nemite.
Post te Simran para be sob galdi kaam kora khan ke clear message deshe. Manu khan nejor laga demak aro energy toh phal chese te jolabo laki koise. Tai khan ke poisa, value aro samaan pabo oise. Judi tai khan enaka he galdi kori thakise koile ek-din nahoile ek-din ektum dekthari te lok powa thakibo koise.
Simran to haji kali television show, Pandya Store te dekhi ase.
Add Comment