Agencies, 16 July: Friday te veteran actress Surekha Sikri toh Mumbai te morishe. Tai laga omar 75 thakise. Actress toh etu bhujor heart attack para dukh powa thakise. Tai 2020 sal te ek par brain stroke para dukh powa thakise aro 2018 sal te ek par paralytic stroke para dukh powa thakise. Veteran actress para tin par national awards toh films “Tamas”, “Mammo” aro “Badhaai Ho” nesana te tai laga roles nemite jeta thakise. Tai ke last dekha toh Zoya Akhtar laga segment OTT anthology film “Ghost Stories” te dekha thakise aro etu toh jowa sal release kora thakise.
Surekha Sikri para tai laga debut toh 1978 political drama film Kissa Kursi Ka te bona thakise aro etu bechite besi Hindi aro Malayalam films te play supporting roles te thakise. Tai be Indian TV series te tai laga gara roles nemtie thakise. Tai show Balika Vadhu te Kalyani Devi Dharamveer Singh aka Dadisa hisab te fame hoise.
Jowa sal veteran actress toh bran stroke bechite hospital te admit howa thakise. Etu toh second par thakise Sikri stroke para dukh powa. Etu agae te tai dukh powa November 2018 te thaksie. Tai ke toh Criticare Hospital te loija thakise aro ICU te thakise.
Surekha Sikri mora nemite bollywood personalities te tai laga Badhaai Ho co-stars Ayushmann Khurrana be melikena aro Gajraj Rao, Manoj Bajpayee, Neena Gupta, Janhvi Kapoor, Randeep Hooda aro tusara khan para tributes deshe.
Add Comment