Agencies, 20 July: Actor Shilpa Shetty Kundra toh Tuesday te Super Dancer season 4 shoot laga shoot nemite khobor howa nai. Tai laga moda Raj Kundra ke toh Monday te pornographic films bona aro via mobile apps para publish kora te mela case te arrest korise. Tai ke toh Tuesday te Mumbai te court agae te anishe aro tai police custody te July 23 tak thakibo.
Shilpa toh Super Dancer season 4 te Anurag Basu aro Geeta Kapoor logote ekta judges ase. Dance reality show laga ekta source para Shilpa Shetty to haji set te absent thaka janaishe. Shilpa toh Raj arrest howa nemite dekthari hoise. Tai aji shoot te anibole bhabona howa nai aro khor te tai laga bacha khan ke care kori thaki ase koise.
Source para be first season suru samai para Shilpa toh show nemite shooting te thaka ase koise. Last time tai set te nathaka toh tai laga family ke coronavirus thura para thakise koise. Show toh hotai Mondays aro Tuesdays te shot kora thakise aro schedule toh ektum tight ase koise. Etu para Anurag Basu aro Geeta Kapoor toh aji shooting nemite continue korise koise. Ship be etu hapta Hungama 2 olabole bhabona kori ase koise.
Police para Raj Kundra, 45 omar toh case te ekta key conspirator hisab te koise aro tai khan ke be tai kelaaf besi saboot ase koise.
Pornographic films bona aro konbah Apps te publish kora opor te cases toh Crime Branch Mumbai logote February 2021 te registered howa thakise koise. Tai khan etu case te Mr Raj Kundra ke toh 19/7/21 te arrest korise koise kelay koile tai etu te key conspirator ola nemite. Mumbai police commissioner para be etu opor te tai khan ke thek saboot ase koise.
Case toh etu sal February te registered kora thakise kelay koile ekta maike para police ke complain kora nemite. Etu maike para complain te acting job nemite wada kora bechite Pornographic films bonabole joborjos kora thakise koise.
Add Comment