Zunheboto, 26 July: Zunheboto district hospital te charitable ward 24th July 2021 te contractor aro Ghaspani-1 para former candidate, Kasheto Yepthomi para inaugurate korise.
India te Round Table India trust and Association of 41clubs para one more breath charity project under te, hospital beds aro equipment donate kora toh Rs 40 lakh opor daam laga ase. Etu eki nemite inauguration program toh District Hospital, Zunheboto te loise aro etu program te apex Sumi organizations, CMO Zunheboto, MS Zunheboto aro hospital para tusara staff thakise.
Motob nemite demak jola, Kasheto Yepthomi toh guest of honour thakise. Project toh 41’ER, Vice Chairman 41 India Area 5, Samir Jain, Delhi Amigos Round table 311 HT Pankaj Agarwal aro Progressive Round Table 238 Guwahati, TR Nitesh Bharech para olaise.
Guest of honour, Z. Kasheto Yepthomi para 41 clubs of India aro RTI toh India te NGO ase aro etu laga offices Chennai aro Delhi te ase koise aro etu toh desh te purely private charitable kaam kori koise. Tai para be khobor jani powa para Dimapur te project para ashirbad howa janaishe. Tai para tai laga shati khan etu eki toh Zunheboto te bonabole request korise kelay koile district toh certain privileges napai kena thaka nemite. Tai para be Zunheboto te jonom howa aro dangor howa nemite hotai Zunheboto laga manu khan nemite concern thakise koise.
Yepthomi para vaccination lobole kaam howa opor te koise aro jama howa khan ke doctors aro nurses ke confidence thakibole koise. Tai para be ahibole third wave te remind korise aro jama howa khan ke daiyar thakibole koise. Tai para DC, CMO aro staff, Sumi Hoho, Dr Aron, DIO aro Dr Shikato khan ke praise korise kelay koile district te project ana te mela nemite.
Program te SMO, Dr. K Shikato Sema para chaired thakise aro Medical Superintendent, Dr. C. Yanpo Kithan para words of acknowledgement koise.
Add Comment