Agencies, 27 July: Tuesday te Mumbai court para businessman Raj Kundra ke 14-din judicial custody te remand korise. Etu toh case – pornographic films bona aro konbah apps te publish kora te. Kundra toh Bollywood actor Shipla Shetty laga moda ase aro tai toh Mumbai police crime branch para sections of the Indian Penal Code aro Information Technology Act pithor te July 19 te arrest kora thakise.
Court para tai ke 14 din nemite judicial custody te pothaishe. Kundra toh bail nemite court te jaise aro tai laga plea toh Wednesday te honibo nemite rakhise. Crime brach para poila court te Kundra para 119 adult films toh ekta man uke USD 1.2 million te bekhabole plan kora thakise koise.
Police para case te investigate kora samai koise, Kundra para Armsprime Media Pvt Ltd bona paise aro etu para through London-based Kenrin Pvt Ltd para ‘Hotshots’ app anishe social media te objectional videos upload koribole nemite.
Police para be accused laga office te search samai te, 51 obscene videos powa te 35 toh Hotshots logo logote aro 16 toh BollyFame logo logote paise koise.
Kundra ke toh Mumbai Police para July 19 te tusara 11 jun logote thura thakise opor te janaideya charges te. Mumbai Crime Branch laga property cell para be Television actor aro model Gehana Vasisth aro tusara tui jun ke matishe, pornography cases te mela opor te question koribole nemite.
Add Comment