Agencies, 27 July: Megastar Amitabh Bachchan toh Tuesday te Green India Challenge te hisha loise. Etu toh Ramoji Film City, Hyderabad te saplings gash lakai kena. Actor para Green India Challenge laga kosish aro etu laga founder aro Rajya Sabha MP Joginipally Santosh Kumar ke praise korise kelay koile Telangana aro desh te green cover dangor kora nemite.
Superstar para be GIC te congratulate korise kelay koile 2 crore opor seed balls toh ek khonda pithor te kalai kena Guinness Book of Word Records te kusha nemite. Acto para tai hotai Green India Challenge te aware thakise koise hoilebe etu te hisha lowa toh dangor privilege ase koise. Tai para Shri Joginipally Santosh Kumar ke very best wish korise kelay koile tai para etu agae loija nemite.
Amitabh Bachchan para Green Indian Challenge nesana noble aro great initiative te duniya para besi hisha lakiya bhabona janaishe aro tai para etu eki nemite hisha lobo karni aro tinta manu ke tai laga twitter para challenge koribo koise.
Telugu superstar Nagarjuna be programme te hisha loise aro Producer Ashwini Dutt aro Ramoji Film City MD Vijayeeswari logote sapling gash lakaishe.
Add Comment