Agencies, 29 July: Thursday te bollywood actor Sanjay Dutt laga birthday thakise. Actor para tai laga birthday te KGF: Chapter 2 para notun poster share kora te tai Adheera hisab te thakise. Poster te Dutt ke toh war jaga te dekhae. Tai para bhari armor aro sports dreadlocks lakaise aro style para tai para tai laga dalwar thurishe.
KGF: Chapter 2 toh ahibole Indian Kannada-language period action film ase aro etu toh Prashanth Neel para lekhise aro direct korise. Two part series laga second installment toh 2018 film K.G.F: Chapter 1 para ase. Film te stars Yash, Srinidhi Shetty, Raveena Tandon aro Prakash Raj be ase.
Film toh Kannada te bonaishe. Yash toh film te Rocky Bhai laga role kora actor ase aro tai Hindi te nejor nemite olabole ase. Pan-Indian impacts nemite, tai laga antagonist Adheera toh Sanjay Dutt para play korise aro film te be Raveena Tandon toh vital role te thakise.
KGF: Chapter 2 toh Vijay Kiragandur para banner Hombale Films pithor te bonaise. Poila film toh July 16 te olabole scheduled thakise. Film laga notun direk toh joldi janaidebole ase
Add Comment