AGENCIES:India aro Pakistan khan akhe bar dui sal pichede cricket khelibole ase ahibole laga T20 world cup te.etu khobor toh ANI para koikena janaidiya thakishe,tai khan laga game toh dubai October 24 te lobole ase.
ANI ke source para koikena janaidiya thakishe”hoi arch rivals khan October 24 te khelibole ase.”
Etu duita team khan tournament laga group 2 te ase aro etu te New Zealand and Afghanistan, k khan aro etu logote qualifiers para duita teams khan ase.
2021 T20 World Cup laga main rounds toh three cities — Dubai, Sharjah and Abu Dhabi te lobole ase.
Etu ICC para tournament laga groups laga khobor dishe juwa moina te.Defending champions West Indies toh group 1 te ase etu te former champions England, Australia, South Africa aro duita qualifiers khan round 1 para tai khan logote ahise.
arch-rivals khan last khela toh 2019 world cup laga group stage te thakishe kuntu te india khan para Pakistan logote jita toh saata te kurishe tournament te.
T20 World Cup toh paanch sal pichede ahise etu te 2020 edition Australia te lobole thaka toh covid19 pandemic nimete akhe kurishe.
India toh 2021 edition tournament laga lobole ase hoilebi etu evemnt toh UAE aro Oman te luijaishe.
Oman para qualifying rounds khan lobo tournament nimete etu te Sri Lanka, Bangladesh and Ireland, aro dusra khan ase.
