Agencies, 16 August: ‘Tiger 3’ shooting nemite, superstar Salman Khan aro actress Katrina Kaif toh Russia te August 18 direk te jabole ase. Etu toh pandemic nemite rokhai kena rakha thakise. 45 din laga schedule te action sequences logote bhora ase aro Salman aro Katrina toh five desh te Austria aro Turkey be melikena shoot karni jaa thakibole ase.
Source hisab te, Salman aro Katrina toh first Russia te land koribo. Etu bechite alak alak jaga Turkey aro Austria nesana te shooting karni jaa thakibo.
‘Tiger 3’ toh spy thriller franchise starring Salman Khan aro Katrina Kaif laga third part ase. First instalment toh Kabir Khan para direct kora ‘Ek Tha Tiger’ thakise aro etu toh 2012 te ola thakise. Second ‘Tiger Zinda Hai’ toh 2017 te ola thakise aro etu toh Ali Abbas Zafar para direct kora thakise.
Add Comment