Agencies, 17 August: Bollywood actress Shilpa Shetty toh Super Dancer Chapter 4 te korai ahibole ase. Actress ke toh dance reality show te ekta judge hisab te thakise aro tai etu show para break lowa thakise kelay koile tai laga moda Raj Kundra ke porn film case te melikena Thura nemite. Tai laga moda arrest howa bechite, actress toh tin hapta olop naponji kena shoot te thaka nai.
Media khobor te actress toh show te replaced koribo pari koise hoilebe show te close howa ekta manu para India TV te Shilpa toh Super Dancer Chapter 4 te korai ahibole ase aro tai laga duties relality show judge hisab te aro-suru koribole ase koise. Tai para shoot suru kora be korise koise.
Shilpa Shetty toh filmmaker Anurag Basu aro Bollywood choreographer Geeta Kapur logote show laga celebrity judge thakise. Shilpa toh reality show te suru samai para melikena ase aro tai jarta seasns te judge korise. Shilpa laga absence te, popular celebrities- actress Karisma Kapoor, Bollywood couple Genelia D’Souza, Ritesh Deshmukh aro actors Sonali Bendre aro Moushumi Chatterjee toh guest judges thakise.
Add Comment