AIZAWL: Friday din Mizoram te komti hoilebi 522 manuh logot novel coronaviruse thurishe, etu pihtor te bacha 106 samil ase, State laga tally toh 50,959 te othishe, koikena health department official para khobor toh junaishe. State te aro 24 gonda pithor te bemar para 2 jun morishe, etu melaikena 190 manuh morikena ase koishe. Zoram Medical College (ZMC) te RT-PCR laboratory para 29 notun cases thurishe, 471 cases toh alag-alag district te Rapid Antigen Test para thurishe aro TrueNat para 21 cases thurishe aro ekta(1) case toh Fluorescent Immunoassay (FIA) test para thura ase koikena tai para janaishe. Etu 522 notun cases pithor te, Aizawl district para 281 cases ase, etu beche Kolasib district te 93 cases aro Lawngtlai district para 46 cases thurishe koishe. Ek(1) din laga positivity rate toh 6.79 per cent aro etu notun cases toh ,677 samples test lowa te thura ase koikena officials para janaishe. 4 jun manuh logot travel history thakishe aro baki 518 virus cases toh locally thura ase koishe. 313 manuh logot Covid-19 symptoms thakishe aro baki 209 manuh toh asymptomatic thakishe. Mizoram te itya active cases toh 7,624, ase aro etu samai 43,145 manuh toh bemar bhal hoishe, etu oper te Thursday din te 1,126 manuh khan bemar bhal howa khobor paishe. Covid-19 bemari manuh laga recovery rate toh 84.66 per cent ase aro mora rate toh 0.37 per cent ase koishe. Mizoram te itya dak te Covid-19 samples toh 7.72 lakh neshina tested loikena ase. State immunisation officer Dr. Lalzawmi laga khobor hesab te, 6.49 lakh manuh logot vaccine thikena ase aro etu pithor te 2.25 lakh manuh khan Thursday din dak te Covid-19 vaccine toh pura loikena ase.
Mizoram te 522 notun cases pithor te 106 bacha samil ase
