August 20, 2021. Anti-national kam kora kelaaf te tangor kamyaab hoikena, Assam Rifles para bantok, goole aro dosura besi saman toh Mizoram’s southernmost Lawngtlai district osor Indo-Myanmar border jaga te thurishe, koikena Assam Rifles officer para khobor toh janaishe. Officer para koishe ke, bantok, goole aro dosura besi sama toh Hmawngbu bosti osor jungle ekta Indo-Myanmar border para 3 km north jaikena paishe koishe. Etu operation toh Zorinpui jaga te Assam Rifles troopers posted hoikena thakai, Mizoram Kaladan Multi-Modal Transit Transport Project (KMMTTP) rasta te aro Bungtlang laga and state police logot khobor powa nemite thurishe koishe. Etu thura saman pithor te 3 pistols, 174 goole, bombs 3 kg, 9 detonators aro dosura saman aro mobile phone modified IEDs (Improvised Explosive Devices) thakishe koishe. Etu saman powa connection te kaun ke be thura nai koishe. Dosura tangor kamyaab ekta te Assam Rifles aro Customs department melikena smuggled kora foreign cigarettes 502 cases toh Champhai district Ruantlang aro Kelkang- Khaungleng rasta majot te para thurishe, etu jaga te Thursday din Myanmar border osor joint operation thakai samai thura ase, koikena officer para khobor toh janaishe. Etu saman thura connection te tin(3) jun manuh ke thurishe koishe. Etu contraband laga daam toh Rs 6.52 crore neshina laga ase aro etu saal pithor te sobse tangor smuggled kora saman thura ase koishe. Tai para aro koishe ke, etu tin(3) jun manuh aro thura saman toh Customs department logot legal kam nemite thishe koishe.
India-Myanmar border te bantok aro goole thurishe
