ITANAGAR: Arunachal Pradesh chief minister Pema Khandu para koishe ke, tai laga government para Assam government logot border jamila kotom koriboli nemite besi mon thikena tuita(2) states pithor te kam korishe ase. CM Khandu para koishe, tai aro tai laga Assam counterpart Himanta Biswa Sarma melikena border jamila thaka toh kotha para fesla koriboli manishe. “state government para High-Power Committee ekta home minister Bamang Felix laga chairmanship pithor te bonaikena etu kam nemite stakeholders khan logot besi paar meeting korikena ase,” koikena Arunachal Pradesh CM Pema Khandu para janaishe. Chief Minister para aro koishe ke, meeting toh August 26 darik te committee, state laga MLAs aro districts deputy commissioners logot thakiboli lined up hoikena ase. Olop din akhe Arunachal Pradesh chief minister Pema Khandu para koishe ke, Assam aro Arunachal Pradesh laga border jamila toh Court te fesla koribo koikena ase. Tai para koishe ke, Assam aro Arunachal Pradesh laga border jamila toh Prime Minister Narendra Modi aro union Home Minister Amit Shah laga kotha hesab te fesla koriboli koishe. Arunachal Pradesh para 730 km neshina Assam logot border share korikena ase.
Arunachal para Assam logot border jamila nemite kam kori ase
