GUWAHATI: Arunachal Pradesh cabinet para tuita(2) credit-linked schemes approved korishe. Etu scheme pithor te agro-based sector te Rs 300 crore investments thiboli koishe. Home minister Bamang Felix para koishe ke, government toh Atma Nirbhar Krishi Yojana (agriculture) te aro Atma Nirbhar Bagwani Yojana (horticulture) te 2021-22 fiscal samai Rs 60 crore neshina kamai kena ase. Etu fesla toh Chief Minister Pema Khandu para cabinet meeting chaired kora samai fesla loishe. Credit-linked programmes te tinta(3) components- bank loans, subsidy and beneficiaries’ contributions thakibo. Cabinet meeting te fesla lowa toh subsidy laga share toh schemes te 45 per cent thakibo aro etu samai beneficiary khan para 10 per cent contribute koribo aro baki toh bank loans thakibo, koikena Felix para khobor toh janaishe. Tai para aro janaisheke, etu schemes toh cultivators, self-help groups and farmer producer organizations (FPOs) nemite paijabo. Etu programmes pithor te, farmer ek jun Rs1.6 lakh pabo aro collateral nahoile bank guarantee nathakibo, etu samai self-help groups khan toh Rs 10 lakh neshina pabo, koikena government spokesperson para janaishe. “etu scheme toh state pura te paijabo aro manuh khan para etu nemite nejor laga districts te deputy commissioner office te apply koriboli koishe. Ami laga bapana te etu schemes te 300 crore investment hoboli neshina ase aro etu samai government subsidy toh Rs 120 crore thakibo,” koikena Felix para aro janaishe.
