GUWAHATI: Assam government para aha saal April 1, 2022, te New Education Policy (NEP) bonabo ase koikena chief minister Himanta Biswa Sarma para khobor toh janaishe. Sarma para etu kam toh aha saal March moina dak te toh kotom koriboli koishe. “state government para New Education Policy (NEP) toh April 1, 2022 saal para bonaboli kam kori ase. NEP pithor te high schools sob toh senior secondary school te othabo,” koikena Friday din Guwahati te chief minister Sarma para reporters logot janaishe. Tai para koishe ke, government para ek saal pithor te educational institutions laga academic infrastructure toh othabo. “state government power te aha beche state te1 lakh youth logot employment thiboli koikena ase. Etu samai promise kora janai deya te state government para aji appointment kam toh kulishe aro joldi te advertisements toh hazar jobs nemite janai thibo,” koikena chief minister para koishe. Tai para aro Guwahati te alag-alag education department directorates te 767 candidates logot appointment letters toh bak korishe. Sarma para koishe, state government toh narokina notun policy kam hotai saal 5 saal dak te education department te putli kori thakibo. Science, Maths aro English toh English kotha para hekabo aro baki dorusa subjects toh mother tongue thakibo, koikena tai para aro janaishe.
Assam to aha saal para notun Education Policy bonaboli ase
