India te bacha nemite Johnson & Johnson para vaccine trials hotishe

August 21, 2021. American-based pharma major Johnson & Johnson (J&J) para Central Drugs Standard Control Organisation (CDSCO) logot Covid-19 single shot Janssen vaccine toh vaccine trial koriboli nemite India te bacha khan 12-17 umer group nemite applied korishe koishe. The American pharma Johnson & Johnson (J&J) para statement te koishe ke, tai khan para Tuesday din te application toh submitted korishe aro population sob nemite bhal hobo, etu oper te bacha nemite te be vaccine para toh coronavirus toh joldi phela rokibo koishe. Johnson & Johnson (J&J) laga single-shot vaccine toh second Covid-19 vaccine ase ke Emergency Use Authorisation (EUA) toh fast-track approval nemite puila para approved hoikena ase aro etu Drug Controller General of India para approved korishe. Johnson & Johnson India para statement te koishe ke, Covid-19 vaccine bonaboli nemite besi tangor step loikena kam kora as ear etu para bemari toh kotom koriboli kora te besi tangor motob pabo koishe. Olop din akhe te Union Health Minister Mansukh Mandaviya para Johnson & Johnson logot Emergency Use Authorisation thishe koikena ase. Mandaviya para koishe ke, “India laga vaccine basket toh tangor hoi ase! Johnson & Johnson laga single-dose COVID-19 vaccine toh India te Emergency samai jolaboli approve korishe. Itya India te 5 EUA vaccines ase, etu para India te COVID-19 bemar logot larai kora samai tangor faita bapoli ase.” India te 5 vaccines emergency samai jolaboli manikena thaka toh- Serum Institute’s Covishield, Bharat Biotech’s Covaxin, Russia’s Sputnik V, Moderna aro itya Johnson & Johnson (J&J) ase.