IMPHAL: PLA (People’s Liberation Army) laga active manuh ek jun Manipur te security forces para thurishe koikena khobor toh janaishe. Etu PLA cadre ke toh Manipur laga Tengnoupal district te Assam Rifles troopers para thurishe koishe. PLA manuh ke toh “intelligence-based operation” samai Assam Rifles laga Tengnoupal Battalion para thura ase. Etu beche, PLA cadre te toh local police logot investigation nemite thishe. Etu moina olop din akhe te be, komti hoilebi Manipur-based insurgent outfit – People’s Liberation Army (PLA) 6 jun cadres ke Myanmar te larai kora samai morai thishe. Khobor para janaishe ke, etu larai toh Myanmar te NSCN-KYA, Nayang Wakathan camp te howa ase koishe, etu jaga toh Arunachal Pradesh laga Changlang district, Pangsau Pass opposite jaga te ase. Khobor hesab te, Myanmar junta para Northeast laga militant outfits aro Manipur te PLA logot pressure thikena opposing military regime logot larai koriboli kori ase. Etu nemite Northeast laga militant outfits pithor te kushi napa nemite tai khan larai kora rokina mainstream te jaboli mon ase koishe.
