Agencies, 24 August: Amitabah Bachchan hosted quiz show, Kaun Banega Crorepati toh Monday te thirteenth season logote korai ahishe. Hot seat te boha first contestant toh Gyaan Raj, 25 omar thakise aro tai toh science teacher ase aro tai toh Ranchi, Jharkhand para ase. Gyaan toh thek para khelishe aro four lifelines laga motob logote tai Rs 6.4 lakh gamaishe. Hoilebe tai twelfth question Rs 12.5 lakh daam lag ate tai jawab debole para nai aro tai laga prize money toh Rs 3.2 lakh te manishe.
Gyaan para galdi jawab deya Question toh “Autobiographical Baburnama lekha language ke thakise?”. Option toh: Karakhanid, Chagatai, Bashkir, aro Uyghur thakise.
Gyaan toh nejor ke sure nahoise koilebe tai para Uyghur toh thek jawab hisab te juna thakise aro etu toh gandi jawab thakise. Thek jawab toh Chagatai thakise. Etu logote, Gyaan laga prize money toh Rs 3.2 lakh te namishe.
Hoilebe Gyaan toh Bollywood laga superstar Amitabh Bachchan ke lok korikena phal samai thakise. Tai actor ke first time lok kora janaishe. Gyaan para Amitabh ji toh pura desh nemite ekta role model ase koise aro tai para childhood toh tai laga films shai kena spent korise koise. Gyaan para be Kaun Banega Crorepati te Amitabh ke lok koribole jani kena ektum excited thakise koise.
Gyaan Raj bechite next contestant toh Neha Batla, Champavat, Uttrakhand para ekta veterinary doctor ase. Tai Monday laga episode te khali tuita questions khelishe aro game show toh Tuesday laga episode te jai thakibo.
Kaun Banega Crorepati 13 toh Sony TV te Monday to Friday at 9 pm te dekhai.
Add Comment