Agencies, 25 August: Actors Salman Khan aro Katrina Kaif toh ektum popular Tiger franchise laga third instalment, Tiger 3 nemite shooting te busy ase. Actors toh aji kali Russia te ase aro tai jun para desh te thaka samai laga photo share korise. Katrina Kaif para ekta park, St Petersburg te besi photos lowa share korise.
Ek din agae Salman laga photo film para leak howa thakise aro tai toh car chase sequence nemite shooting te busy thakise. Tiger 3 te be Emraan Hashmi toh antagonist hisab te ase.
Tiger 3 te Maneesh Sharma para direct korise. First movie Ek Tha Tiger (2012), toh Kabir Khan para direct kora thakise aro etu bechite second part Tiger Zinda Hai (2017) toh Ali Abbas Zafar para direct kora thakise.
Salman khan toh Colors TV show Bigg Boss 15 te shoot nemite October moina para India te korai ahibole bhabona ase. Show laga first promo te Salman aro veteran star Rekha thaka toh Saturday te ola thakise.
Add Comment