GUWAHATI: Assam’s Dima Hasao district osor Diyungbra jaga te Dimasa National Liberation Army (DNLA) members para trucks te kamla korikena 5 jun manuh morishe koishe. Assam Police para koishe ke, terrorists para trucks drivers oper te goole marishe aro dosura members para trucks toh be jolai thishe koishe. Security personnel etu jaga Rangerbeel, Umrangsu Lanka Road te jaikena mora body toh othaishe. “ami khan logot khobor powa toh 5 suspected militants para 1st samai te gooli marishe aro etu beche trucks toh jolai thishe. Ami khan laga suspect te militant organisation DNLA para hamla kora ase,” koikena Dima Hasao District laga Superintendent of Police, Jayant Singh para khobor toh janaishe. Police aro Army’s Assam Rifles unit para etu jaga te melikena operation jai ase. Etu hatsa howa jaga toh Guwahati para 200 km neshina jaikena howa ase koishe. “ami khan para 5 bodies paishe aro search operation toh Assam Rifles laga motob para kori ase, etu nemite investigation soruh hoishe,” tai koishe. Etu trucks te coal aro dosura saman loikena cement manufacturing plant te jai thaka samai howa ase. Dima Hasao district toh Assam laga tinta(3) hill districts pithor te ekta ase aro etu jaga te insurgent kam aro groups thaka jaga ase, hoilebi 5 saal neshina hoishe ke olop komti hoikena thaka ase. May moina te security forces khan para 6 DNLA terrorist ke Dhansiri, Karbi Anglong district te moraishe. Bantok aro goole toh tai khan laga hath para othaishe, koikena police para khobor toh janaishe. Etu operation toh Dhansiri jag ate DNLA para ek junk e morai deya beche ase. Etu group toh 2019 saal te bona ase aro DNLA toh Dima Hasao and Karbi Anglong districts aro osor Nagaland te besi active te bohi ase koishe.
Dima Hasao hatsa te 5 jun morishe aro Trucks julaishe
