Agencies, 06 September: Bollywood actor Akshay Kumar laga maa toh ektum beya halat te ase. Etu para actor Akshay Kumar toh UK te film Cinderella nemite olob agae hapta para shoot kori thakise. Tai laga maa ICU, Mumbai’s Hiranandani Hospital te admit howa jana bechite India te koraija khobor hoise. Hindustan Times hisab te, actor laga maa toh olob din para gao thek thaka nai.
Akshay para tai laga producers ke shooting toh tai nalaka jaga te shoot kori thakibole koise.
Kaam te Akshay Kumar ke toh last film “BellBottom” release kora te dekhise. Etu film toh Ranjit M Tewari para direct kroa thakise aro etu film te be stars Lara Dutta, Huma Qureshi aro Vaani Kapoor ase. Spy thriller te Akshay toh ekta Raw agent hisab te ase aro tai laga mission toh ekta hijacked flight te passengers ke bachabo nemite thaki.
Lara toh former Prime Minister Indra Gandhi laga role kora thaki aro Vaani toh Akshay laga maike (wife) hisab te role kora thaki.
“BellBottom” toh novel coronavirus laga second wave bechite theatres te release kora first major Bollywood film hoise. Film toh Maharashtra, Assam, Tamil Nadu and Kerala te release kora nai kelay koile tati theatres bondh thaka nemite.
‘Cinderella’ te chari kena Akshya ke be act koribole film- ‘Raksha Bandhan’, ‘Sooryavanshi’, ‘Prithviraj’, ‘Ram Setu’ aro ‘Bachchan Pandey’ ase.
Add Comment