Agencies, 07 September: Ahibole horror comedy ‘Bhoot Police’ bona khan para film’s release date toh agae korise. Film toh etiya September 10, 2021 te olabole bonaishe aro etu toh poila laga release date para ek hapta aga ease. Pawan Kripalani para direct kora, film cast te actors Arjun Kapoor, Saif Ali Khan, Jacqueline Fernandez, Yami Gautam, aro Jaaved Jaaferi melikena ase. Instagram handle te Arjun para film laga ekta poster logote release date janaishe. Tai para be film toh @disneyplushotstarvip te he stream koribole janaishe.
Jacqueline para be Instagram handle te update share korise. Poila film toh September 17 te olabole thakise hoilebe etu toh September 10 direk Disney+ Hotstar te premiere nemite bonaishe.
‘Bhoot Police’ toh poila theaters te olabole thakise. Hoilebe coronavirus pandemic karni ektum deri howa bechite bona khan para film toh OTT te olabole fesla korise.
Add Comment