SHILLONG: Centre para Meghalaya’s Kongthong village toh “Best Tourism Villages” ase koikena junishe aro etu logot desh te aro dosura tui(2) bosti be junishe. Etu bosti ke ‘Whistling village’ be koikena jani ase, etu bosti toh World Tourism Organization din te Ministry of Tourism para junishe. Union Finance Minister Nirmala Sitharaman para Meghalaya Chief Minister Conrad Sangma logot etu tangor bhal khobor nemite congratulated korishe. Sitharaman para Twitter te koishe ke, Kongthong bosti te manuh ke nam para nahoikena ekta tune para mathiboli olaishe. Etu bosti te, ama para bacha ke nam para nahoikena tune ekta Eeooow aro Ooeeo para mati thaki koishe. Etu bosti toh Kongthong te tuita(2) nam ase, ekta toh regular nam aro dosura toh gaana nam ase. Hoilebi gaan nam toh tuita(2) neum ase, kata nam aro lamba nam ase koishe. Etu kata nam toh ghor te joila aro lamba nam toh jungle te evil spirits para thur thakibo nemite jolai koishe. Bosti te musical nam toh ‘jingrwai Iawbei’ koi koishe. Etu bosti te 700 manuh neshina population ase aro school te class 8th dak ase aro 3 km neshina jaikena secondary school ase. Higher studies nemite bosti te thaka manuh toh Shillong te jaboli lage koishe.
