DIBRUGARH: Tirap Police aro Khonsa Assam Rifles Battalion troops para NSCN-IM & ENNG groups laga hardcore militants 6 jun ke thurishe koishe, etu militants laga hath para bantok aro goole be Khonsa, Arunachal Pradesh te para paishe koishe. Etu militants khan ke alag-alag operations thakai samai Thursday aro Friday din Arunachal Pradesh te thura ase koishe. Intelligence khobor hesab te tinta(3) hardcore militants khan toh Khonsa te ase koikena jana nemite Khonsa Battalion of Assam Rifles aro Tirap Police para joint operation thakishe. Etu operation samai, joint team para Arunachal Pradesh, Tirap district te hardcore militants kaun khan extortion, kidnapping aro dosura kam beya te samil thakai ke thurishe koishe. Etu thura militants laga kotha hesab te aro dosura tinta(3) militants ke thuriboli parishe. Etu samai 6 pistols, goole, opium aro poisa paishe. militants para koishe ke, tai khan para maiki ek jun 28 umer ke toh Longbo bosti te June 2021 samai security forces logot underground cadres laga khobor deya suspect te thurishe koishe. Aro dosura khobor ekta te etu militants laga kam kora jana te RWD employee ekta te Tirap, Sanliam bosti para kidnap korikena poisa 3 lakh te loikena thakishe koishe. Etu RWD employee te toh blindfolded aro handcuffed koikena jungle te loikena jowa beche tortured korikena aro sob melaikena Rs 10 lakh demand korishe koishe. Etu militants para aro GPC Sinnu bosti te Rs 50,000 demand korikena thakishe, koikena khobor para janaishe.
