September 12, 2021. Golaghat police para tin(3) jun hackers ke mesa-meshi te State Bank of India (SBI) te Rs 13 lakh withdraw kora nemite thurishe koishe. “khobor powa nemite tin(3) jun hackers Shahid Ahmed Laskar, Nurul Ahmed Barbhuiya aro Motibul Rahman para mesa-mesi ekta te SBI account para poisa withdraw kora nemite Saturday din Guwahat aro Hojai te thurishe, koikena Golaghat DSP Madhurjya Baruah para khobor toh janaishe. “etu saal May 29 darik te, tin(3) jun hackers para Golaghat district te college principal laga account para Rs 13 lakh olaishe,” tai para koishe. DSP Baruah para koishe ke, principal laga complaint hesab te police para operation korikena Sunday din etu manuh khan ke thuriboli kamyaab hoishe. Ploice para ekta four-wheeler, 7 mobile phones, 52 bank passbooks, 57 debit cards, 5 fake SIM cards, 1 laptop aro dosura documents besi tai khan laga hath te para thurishe. “Prima facie hesab te aro dosura manuh besi samil thakibo koikena suspect ase,” koikena police official para janaishe. Police logot khobor paishe ke konuba bank employees khan be etu poisa withdraw kora samai samil hoikena thakibo koishe.
Golaghat te 3 hackers ke poisa withdraw kora thurishe
