Agencies, 12 September: Hapta episode ‘Super Dancer – Chapter 4’ toh Sanjay Dutt show te Ganpati idol logote kushi kena suru korise aro Dutt thakikena contestants para olob gana khan te perform korise. Etu bechite Anurag Basu toh etu dance reality show laga judge be hoi aro tai logote Shilpa Shetty aro Geeta Kapur be judge ase. Anurag para tai laga jevaan te ektum kaam laga kisha toh janaishe. Etu kisha toh late Bollywood actor Sunil Dutt, Sunjay laga baba, logote melikena ase.
Anurag Basu toh late Sunil Dutt logote lok koribole ektum monn howa thakise aro Mahesh Bhatt ke ekta meeting nemite daiyar koribo nemite janaideya thakise koise. Hoilebe etu din toh aha he nai aro Sunil Dutt toh morishe koise. Anurag toh Dutt laga jaga te kombah manu khan majote first rush kora te thakise aro family’s side te thakise koise. Etu din te he Anurag para Sunill Dutt ke besi morom aro samaan powa toh dekhise koise. Tai enaka toh ketiya be dekha nai koise.
Etu hatsa janaideya samai Anurag Basu monn phangki kena koise, ketiya tai bemari (cancer para) thakise tai hospitals te bed napowa thakise koise. Mahesh Bhatt para Dutt Sahab ke five minutes pithor te ekta bed daiyar koribole kowa thakise koise. Aji tai yati thaka toh tai nemite ase koise. Etu ekala nahoi kena Dutt para be tai ke hotai tui din te call korise aro tai laga health te check up kora thakise koise. Etu para tai aji yati thakibole para toh tai nemite ase koise aro tai ke thank janaidebole ketiya be napara nemite monn phangkise koise. Tai Dutt family ke debole besi ase koise.
Add Comment