GUWAHATI: BJP laga sobse tangor partner NPP toh aha saal Manipur assembly election samai 35 seats te para contest koriboli bapana te ase koishe. Jowa paar March 2017 saal assembly election te Manipur te 60 seats pithor te te NNP para 4 seats kamyaab hoishe. Senior NPP legislator Jayantakumar, kaun Manipur unit NPP laga working president ase, tai para koishe ke, candidates kaun khan exact number field koriboli laga final fesla toh party president Conrad Sangma logot meeting kora beche janai thiboli ase, koikena TOI para khobor toh koishe. Hill aro valley ye party para maximum candidates file koriboli ase, Jayantakumar para khobor toh janaishe. Saturday din te Meghalaya chief minister aro NPP chief Conrad Sangma para Manipur Assembly elections nemite kotha koriboli nemite Imphal visit korishe. Besi tangor besas thaka ekta te, tai khan para seats besi te kamyaab hoboli ase, Jayantakumar para koishe ke, next government form koriboli nemite party khan para tangor kam koribo koikena janai thishe.
Manipur: NPP para 35 seats te contest hoboli bapana ase
