DIBRUGARH : Sunday din te Hardcore ULFA(I) cadre Purnima Bora alias Mitu Asom ke Tinkupani Reserve Forest osor Assam-Arunachal Pradesh border te police aro Assam Rifles para joint operation samai thurishe. Purnima Bora (37) umer toh Assam Sarupathar, Golaghat district manu ase. Tinsukia Police aro Assam Rifles 19th Battalion melikena intelligence khobor hesab te Bora ke Tinkupani Reserve Forest, Assam-Arunachal Pradesh border osor te thurishe koishe. Police laga khobor hesab te Purnima Bora alias Mitu Asom toh health issues nemite Myanmar camp para olaishe. Tai laga halat toh beya ase, koikena police para janaishe. Tinsukia superintendent of police Debojit Deori para koishe ke, “ami khan para maiki manuh ULFA(I) cadre ke joint operation samai Tinkupani Reserve Forest para thurishe. Tai laga health condition toh beya ase aro itya tai elaj kori ase, Tai toh 2002 saal te pithor joined korishe.” “itya dak te ami khan para maiki manu UFA(I) cadre oper te besi kuboli napare, keli koile tai elaj loi ase. Itya dak te maiki ULFA(I) cadres besi wala camp pithor te dukh thaka nemite bahar te olaikena bohi ase,” koikena Deori para koishe. Khobor para koishe, Bora ke tai laga halat beya howa nemite ULFA(I) camp para Myanmar te putaishe. Alag-alag bosti para maiki manu besi ULFA(I) joined korikena ase aro etu samai besi wala toh nejor bosti te wabas ahishe aro konuba toh itya be camp te ase. 2018 saal te kick-boxer Karishma Mech para ULFA(I) te 19 umer thaka samai joined korishe. Tai toh Phaneng bosti, Tinsukia district para ase, hoilebi itya be tai wabas aha nai koishe.
Assam-Arunachal border te ULFA(I) Purnima Bora ke thurishe
