AIZAWL: Mizoram te tui(2) din pithor (Saturday & Sunday) te 8,614 manu ke Covid-19 positive test thurishe, etu te 413 bacha samil thakishe, koikena official para khobor toh janaishe. Mizoram te Covid-19 toh 70,000 pongchise, Sunday din te 1,089 manu neshina ke bemari positive tested thurishe. Saturday din Mizoram te 725 Covid19 cases khobor thakishe aro bemar para manuh mora toh 234 hoishe aro etu samai Saturday aro Sunday majot te 4 jun mora khobor paishe. Saturday din te ek din laga bemari rate toh 10.73% thakishe aro Sunday din te 13.98% thakishe, tai para koishe. Tui(2) din pithor te sob melaikena 8,614 cases thura te, Aizwal district te sobse besi notun 1,073 cases paishe, etu beche Lunglei te 144 cases aro Siaha te 121 cases thurishe, tai para aro janaishe. 8,614 bemar manu pithor te, komti hoilebi 918 manu logot Covid-19 symptoms thakishe, koikena officials para janaishe. Mizoram te sob melaikena Covid-19 cases toh 70,840 ase aro etu te 12,016 active ase. Bemar para 58,543 manu neshina bhal hoishe aro Sunday 5 pm samai dak te 368 jun bemar bhal hoishe, koikena government laga khobor hesab te janaishe. Mizoram te itya dak te Covid-19 para 1,000 thousand population te komti hoilebi 63 manu bemari ase. Sob melaikena 1 lakh population hesab te 21 manu itya dak te morikena ase, khobor para janaishe. Mizoram te itya dak te 9.63 lakh sample tests korikena ase. State immunisation officer Dr. Lalzawmi laga khobor hesab te Saturday din dak te 6.63 lakh neshina manu vaccine loikena ase aro etu pithor te 2.98 lakh manu vaccine pura loikena ase koishe.
Mizoram: 2 din pihtor 8,614 cases te 413 bacha samail
