DIMAPUR, OCTOBER 11 : Nagaland te Measles Rubella dawai maribole kura toh 7 din wala hui ase. Etubi October 3 pora suru kurikena October 9 dak hisabte. Aro etu hisabte bacha kan 1,85,481 oporte etu dawai marikena ase koise.
State Department of Health & Family Welfare hisabte Nagaland te etu MR dawai maribole kura toh October 9 dak majutte 1919 School Sessions aro 321 Outreach Session kan etu dawai maribole kurikena ase. Aro etu dawai mara pora eku chamala nahui kena ase koise.
Etu Department porabi tai kan etu MR Campaign manabole kura toh arobi ahkete hi maribole kurikena ase. Etubi Social Media te besi jun manu kan etu dawai toh thik nai aro namaribo lagi koi kena kotha ulai thaka majutte. Aro tai kan bi etu dawai maribole kura toh 29 din aro bhachi (left) kena ase. Aro etu 29 din majutte tai kan bhal te mari khotum kuribole kuri ase koi kena janaise. Etu karne tai kan bi bapa-amma kan ke etu 9 moina pora 15 sal dangor bacha kan ke etu dawai maribole karne mani kena aro mon melekena thakibole kuribi. Kele etu MR dawai mara porahi etu Measles aro Rubella bemar hobole thaka pora pachaidebole bara hobole ase koi kena.
Bapa-amma, bacha kan, Health nemite kam kura kan sob ke etu dawai mara bacha 1,85,481 ke maribole mon khola pora aro puji kena diya pora besi khushi baa janaise. Aro Religious leader, organizations aro individuals kan sob ke etu nemite ahkete ahe kena thaka karne besi khushi baa janaide thakise koise
Add Comment