Agencies, 17 September: Popular singer Jubin Nautiyal toh Dubai te Covid pandemic bechite agae par concert lobole laga te perform koribole ase. Etu toh pandemic samai te Jubin laga first dangor live-music concert hobole ase. Tai fans khan ke tai laga most popular gana – ‘Bawara mann’, ‘Kaabil hoon’, ‘Zindagi kuch toh bata’, ‘Lut gaye’ nesana para treat kora thakibole ase.
Concert toh October 29 direk Coca-Cola Arena jaga te lobole ase. Etu toh Blu Bood para KokoSwap logote melikena lobole ase. Organisers khan para tai khan toh Dubai government logote close kaam kori ase koise aro venue te concert toh komti manu logote jolabo koise kelay koile pandemic samai te social distancing protocols te maintain thakibo nemite.
Jubin para etu par tai laga notun romantic song, titled ‘Khushi Jab Bhi Teri.’ Toh olaise. Etu gana toh Leh aro Ladakh jaga te shot kora thakise. Gana laga video te Jubin logote actor Khushalii Kumar ase.
‘Khushi Jab Bhi Teri’ toh etiya T-Series’ YouTube channel te olaise.
Add Comment