GUWAHATI: Notun Bodo insurgent group, United Liberation of Bodoland (ULB) laga tuita(2) militants toh larai kora samai morishe. Saturday din western Assam’s Kokrajhar district te security forces logot larai kora samai morishe koishe. Khobor para koishe ke, jungle te militants khan thaka janikena police aro Army team melikena joint operation samai Kokrajhar laga Lungsung jungle te thakishe. “jungle pithor te ketai police team khan toh armed militants osor te ahishe, tai khan para security forces logot goole marishe. Etu samai police para be jawab deya te tui(2) jun manuh toh jokom hoikena thakishe. Etu tui(2) jun ke RNB Hospital, Kokrajhar te loikena jowa samai rasta te mori-jaishe, koikena official para khobor toh janaishe. Mora tui(2) jun laga nam toh Jangshar Mushahary, 23 umer aro Janak Kr Brahma, 23 umer, Kokrajhar manu ase koikena janishe. Tai khan toh Kokrajhar district, Bismuri jaga te extortion te samil hoikena thaka ase koishe. Olop din akhe te Bodo outfit National Democratic Front of Bodoland (NDFB) khan mainstream te wabas aha beche aro dosoura rebel group ekta Bodo belt te formed hoikena alag Bodoland state demand korishe. Friday din video statement ekta te, notun outfit ULB laga leaders khan para koishe ke, jodi tai khan laga demand toh deya nai koishe koile, tai khan para October moina te Assam te blasr koriboli janaishe.
United Liberation of Bodoland laga 2 rebels ke moraishe
