DIBRUGARH : Assam Medical College & Hospital (AMCH) Principal, Dr Sanjib Kakoti toh Saturday din halat besi beya howa nemite airlifted hoikena Guwahati para Dibrugarh te air ambulance para loikena jaishe. Olop din akhe te Dr Kakoti ke Covid-19 positive thura beche AMCH, Super Speciality Block te elaj kori thakishe. Northeast Now logot kotha kora te, AMCH superintendent Dr Prasanta Dihingia para koishe ke, “Dr Sanjib Kakoti laga halat besi beya howa nemite Guwahati te loikena jaishe.” “tai ke AMCH para Guwahati te air ambulance para loikena jaishe. AMCH laga Super Speciality Block te senior doctors team para tai laga halat toh hotai samai sai ase koishe.” Bapana kora hesab te tai ke All India Institute of Medical Sciences (AIIMS) New Delhi te loikena jaboli thakishe, hoilebi tai laga halat besi beya howa nemtie, tai ke joldi te Guwahati te loikena jaishe. Dr Kakoti laga khobor toh social Media te spread kora beche manu sob para tai bhal hoboli parthana kori ase koishe. State agriculture minister Atul Bora para AMCH, Dibrugarh visit korikena Dr Kakoti laga halat toh enquire korishe. Friday din Dibrugarh te sob melaikena 1,893 tests lowa te 9 Covid-19 positive case thurishe koishe.
AMCH Principal Dr Sanjib Kakoti Covid bemar thurishe
