Agencies, 19 September: Sunday te Bollywood actor Aamir Khan toh Hyderabd te saplings gash lakai kena ‘Green India Challenge’ te hisha loise. Actor toh etiya Hyderabad te visit te ase aro old airport, Begumpet te Green India Challenge te hisha loise. ‘Laal Singh Chaddha’ laga lead actor logote tai laga co-star Naga chaitanya aro Rajya Sabha MP Joginapally Santosh Kumar para saplings gash lakaise. Aamir para Santosh Kumar laga kosish Green India Challenge te hisha lowa nemite kushi janaishe aro manu khan plantation te hisha lobole nemite agae ahibole koise.
Celebrities – Amitabh Bachchan, Sachin Tendulkar, Sanjay Dutt, Ajay Devgn, Shruti Haasan, Shraddha Kapoor, Chiranjeevi, Nagarjuna, Prabhas, Krishna, Pawan Kalyan, Mahesh Babu, Rajamouli, Samanta, Pullela Gopichand, P.V. Sindhu, Saina Nehwal aro Sania Mirza nesana khan etiya tak challenge te hisha loise.
Kaam te, Aamir ke toh ‘Laal Singh Chaddha’ te dekhibole ase. Advait Chandan para direct kora film toh Oscar Award-jeta 1994 film ‘Forrest Gump’ te aro bona laga ase aro etu film te Tom Hanks toh titular role te ase. Tai ke chari kena, Hindi version te be Kareena Kapoor Khan toh lead role te ase. Telugu actor Naga Chaitanya toh army officer laga role kori ase aro tai toh etu nemite first Bollywood film hobole ase. Chaitanya toh leading Tollywood actor Nagarjuna laga chokara bacha ase. Film te be Mona Singh toh pivotal role te ase.
‘Laal Singh Chaddha’ laga besi phak shooting toh Punjab aro Ladakh te korise. Aamir Khan para film laga rights toh ahishe aro officially 2019 te production suru kora thakise. Etu toh Christmas 2020 te olabole scheduled thakise hoilebe Covid-19 pandemic nemite shooting te deri kori deya thakise.
Add Comment