Governor P.B. Acharya 4th Din Children’s Film Bonanza te

KOHIMA, OCTOBER 12 : Children’s Film Bonanza koi kena State Academy Hall, Kohima te mana toh 4^th Din wala huise. Etu ke Governor, PB Acharya bi ahe kena thakise. Etubi 12h October 2018 te.

Etu din te Governor PB Acharya aro tai laga maiki ahe kena thakise. Aro etu Film “Nani Teri Morni” koi kena mata sai thakise koise. Etubi National Bravery Award baa, Mhonbeni Ezung laga husa kahani. Aro etu 4^th din wala Film Fest te Students kan Kohima district kobi Class V pora Class XII dak laga kan ahekena etu Film sai thakise. Etubi Private aro Government Schools laga kan.

 Etu 4^TH Din wala Film dekha toh :Nani Teri Morni” koi kena Akash Aditya Lama pora Direct kura laga ase. Aro “Ek Tha Bhujang” koi kena mata toh Mohinder Pratap Singh pora Direct kura laga ase, “Gattu” koi kena mata toh Rajan Khosa pora aro “ Kima’s Load, Beyond the class” koi kena mata toh Zuala Chhangte pora Direct kura laga ase koise.

Etu 4^th Din wala te Film dekhabole kura ke Directorate of Information & Public Relations (DIPR) pora Disasters Awareness, Mobile Etiquette, aro Rules & Ethics kan nemite ula Video bi dekhaide thakise koise. Aro 13^th October 2018 te Film kan dekhabole laga kan toh Nani Teri Morni, Pinti Ka Sabun, Gilli Gilli Atta, Karamati Coat kan ase koise.