Kohima, 25 September: District Industry institute Kohima para Department of Industries and Commerce Nagaland logote melikena Conference Hall of Industries Directorate Kohima jaga te Exporters Conclave 25th September 2021 te loise. Guest of Honour hisab te Additional Deputy Commissioner Kohima N.Bhavani Sri thakise.
Bhavani para farmers khan ekta dekthari lok powa toh market logote mela kami nemite ase koise. Tai para be saman khan besi olaise koilebe thek packaging aro cold storage facilities te kami nemite saman khan toh beya hoi koise. Tai para farmer khan crops toh mathi aro climatic conditions te phal/thek howa lakabole koise. Tai para be etu par Kohima te soil tesing laboratory inaugurate kora para crops laga types te janibole paribo aro etu para productions level othibole manibo koise.
Bhavani para ami khan laga focus toh ami khan laga natural resources thaka te based hobo laki koise. Tai para be ami khan laga set up te entrepreneurship te encourage koribo laki koise kelay koile tai khan para he ami khan laga saman te laab bona nemite. Tao para be Government ekala jolabole naparibo. Etu para ami khan nejor laga resources toh livelihood gamabole aro income olabole nemite melabo lakibo koise.
Guest of honour para Exporters Conclave laga Exhibition stall inaugurate kora thakise.
Add Comment