Agencies, 27 September: John Abraham, Divya Khosla Kumar-starrer ‘Satyameva Jayate 2’ bona khan para Sunday te ektum rokha film toh November 26 te olabole janaishe.
Fesla aha toh Maharashtra government para state te cinema theaters toh 22 October para khulibole janaideya bechite ase. Etu khulibole khobor shaat-shaat films Sooryavanshi, Bunty Aur Babli 2, Laal Singh Chadha, nesana khan olabole janaishe.
Milap Zaveri para directed ahibole film te be actors Manoj Bajpayee, Divya Khosla Kumar, aro Amyra Dastur ase. Action drama te be Bhushan Kumar, Krishan Kumar, Monisha Advani, Madhu Bhojwani, aro Nikkhil Advani para sponsored koribo. Film te John toh tuita avatar- ekta police officer aro ekta comman man hisab te ase aro etu film laga shot September 20, 2019 te suru kora thakise.
April te ‘Satyameva Jayate 2’ toh COVID nemite postpone koribole janaideya thakise. Movie toh poila May 13 te ‘Radhe: Your Most Wanted Bhai’ logote olabole thakise.
Ekta statement te “Satyameva Jayate 2” bona khan para film toh bechae date te postpone korise koise koikena janaideya thakise.
First installment nesana ‘Satyameva Jayate 2’ be injustice aro power te najola opor te kelaaf ase. 2018 te ‘Satyameva Jayate’ ola te Milap aro John laga second sobse dangor box office kamiyab howa thakise.
Add Comment