Kohima, 19 April: Department of Economics & Statistics, Nagaland para Online Registration of Births and Deaths, Nagaland toh Directorate’s Conference Hall, Kohima jaga te 19th April 2022 te suru korise.
Director, Economic & Statistics, Nagaland, Neidilhou Angami para online Application suru kora samai Department te lamba samai para online application facility thakibole echa thakise koise aro application suru kora toh department nemite kamiyab thakise koise. Tai para Department laga staff aro offiers ke tai khan laga kosish nemite congratulate korise. Tai para births aro deaths laga registration toh Registration of Births and Deaths Act 1969 aro Nagaland Correspondence Rule 1999 para bonaise koise aro ID regulation laga pace te rakhibole nemite aro public demand te Registrar General of India laga office toh software logote olaise koise, manu khan para online certificates pabole nemite.
Software laga main objective toh citizen service delivery system te facilitate aro streamline nemite ase koise. Etu te tuita purposes toh public para apply koribole paribo aro death aro birth certificates pabole aro data te manage aro record koribole nemite ase koise.
Director para be etiya tuita registrars toh suru korise koise. Ekta toh Directorate of Economics and Statistic, Nagaland, te aro tusara toh district Economics and Statistic Office Kohima te suru korise koise. Etu toh online registration of birth aro death certificates pabole nemite ase koise aro department para be phase-wise manner te ahibole din te etu facility toh sob district offices aro state laga rural areas te 1465 registrars te lobo koise. Software application suru kora logote, tai para general public aro consumers toh birth aro death certificates pabole covenant way thakibole paribo koise.
Programme samai te online registration nemite kenaka apply koribo etu opor te crsorgi.gov.in te login kori kena dekhai deya thakise.
Programme te Additional Director Economic & Statistics, Nagaland Neisatuo Puro para chaired thakise.
Add Comment