24 gonda te 2,067 COVID cases aro 40 mora khobor

NEW DELHI: Ek din pithor 2,067 notun coronavirus bemar thura te, itya Indai te sob melaikena COVID-19 cases toh 4,30,47,594 te othikena ase, etu samai active cases toh be 12,340 te othishe, koikena Union Health Ministry data updated hesab te janaishe. 8 am data updated hesab te virus bemar para notun 40 jun mora melaikena 5,22,006 hoishe. Sob melaikena bemari te active cases toh 0.03 per cent te ase aro etu samai national COVID-19 recovery rate toh 98.76 per cent ase, koikena ministry para janaishe. 24 gonda pithor te active COVID-19 caseload toh 480 cases othishe. Daily positivity rate toh 0.49 per cent ase aro weekly positivity rate toh 0.38 per cent recorded hoishe, koikena health ministry khobor hesab te janaishe. Itya dak virus bemar para bhal hoikena thaka toh 4,25,13,248 ase aro etu samai bemar para manuh mora rate toh 1.21 per cent ase. India laga desh pura te COVID-19 vaccination drive lowa toh 186.90 crore oper te ase. India laga COVID-19 tally toh August 7, 2020 darik te 20-lakh hoishe, August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh May 4 darik te pongchise aro June 23 darik te 3 crore hoishe